طلب بسيط

الاخ الكريم تحياتى لك
كل سنه وانت طيب الاول

ثانيا الادوات المتوفرة فى الفوتوشوب تغنينا عن اى برامج او فلاتر قص
ولكنها تحتاج لمحترف حتي يفهم كل الطرق
و يقوم بتحليل كل صوره و يقرر اي
الوسائل في الفوتوشوب افضل
لقص الجزء المختار
يعنى مثلا الشعر ليه فلتر فى الفوتوشوب متخصص للشعر وبردك
فيه شعر اخر لايصلح له الفلتر دة بس متوفرله أداة أخرى
تقدر تقصه بيها ودة المصمم المحترف هو الى بيجدها صح

بالنسبه للطريقه الى انت عايزاها انا معرفهاش
او مش واخد بالى منها حتى عملت بحث عليها
نو فوند مش موجوده وبقولك تانى بردك
انا يمكن عرفها بس مش واخد بالى من الى انت تقصده
بالنسبه للفلاتر القص الى ذكرتها انا سمعت عنها وشوفتها
بس مجربتهاش لانى مش بحب الفلاتر احب شغلى كله بأيدى
وبالأدوات الى عندى لانها افضل ميت مرة
فالوا انت عندك فكرة عن الطريقه الى انت عايز تعرفها دى
ياريت توضحهلنا اكتر واجبلك الصح بتعها لو اعرفها


بالنسبه للمهارات المطلوبه للعمل بـ ستديو تصوير
دة يرجعلك انت لو مصمم محترف بمعنى محترف
لان بجد اصعب تصميم طبعا بعد الثرى دى وشغل المعمارى لان دة اصعب تصميم
هو تصميم الفوتوغرافى ودة اسهل حتى بكتيييير من
شغل تصميم المواقع
زى صور الفنانين وكدة وعمل الرتوش والتجاعيد والتعديل
فدا يرجعلك لو انت عايز تكون مصمم محترف لازم
تتعلم الفوتوشوب دة من الألف للياء ومش صعب والله
بس انصحك وانصح غيرك الى عايز يتعلمه للشغل يبعد عن الكورسات
والدورات لانها بجد هتعقد عقلك وتفتكر ان المسأله صعبه عليك
فى لو ليك صديق بيشتغل فى ستديو وماسك التصميم خليه يعلمك
ولو ساعه كل يوم او تقعد جمبه وتشوف هو بيعمل اية هتتعلم
يعنى اخر كلامى عشان تتقبل فى المهنه دى لازم تكون محترف درجه ثالثه حتى
مش اولا ومع الشغل ان شاء الله المستمر انت هتطور من نفسك وهتبقى درجه اولى


واسف على الاطاله انا بقى المرادى يارب اكون وضحتلك طلبك
ومستنى توضيحك فى طلب طريقه القص المطلوبه

تعرف انا ليه واحد هنا صحبى معلمه الفوتوشوب وهو دلوقتى شغال
معايه وربنا يسهلوا عرف الطريقه الى بتقولى عليها دى من واحد تانى
جه وجعلى دماغى بيها رغم انه عارف انها غلط وبتسيب تفرغات فى الشعر
والطريقه الى بعلمهاله ونزلتها بالمنتدى مش انا الى بقول هى دى الصح
بالعكس الاحسن منى الى اخترعوا الفوتوشوب من الاصل نزلونا الفلتر الذيذ دة
عشان دة متخصص بكدة يعنى مش احنا الى بنقول دة تخصص كدة
ورغم كدة بردك مصمم على فى دماغه ربنا يصلحاله دة بقى دى شخصيه
مخها ضاربة شوية
فانت لو عايز الطريقه دى انا عرفها بس بجد طريقه غلط خالص
ودى بتاعت ناس مبتدأة وبتحب تعمل من الحبه اوبه وجع دماغ يعنى
طب منت عندك فلتر ودة الصح ويفرغ الشعر وملوش حل ومن خطوة وحدة
طب ليه نصعبها على نفسنا متعرفش بس بيحبوا يترسموا على قدمهم
واكنه مخترع حاجة من دماغه هو ودى طبيعه الانسان سبحان الله فى عقولنا

فأنت لو عايزها مافيش مشاكل هنزلهالك بس منصحكش بيها
اللهم انى بلغبت

وبالنسبه لو جالى واحد وعايز يتشغل ااقل طلب هديلوا عريس وعروسة
شوية مناظر واقوله صمم واسيبه مع نفسه بقى
اولا هشوف زوقه فى الخلفيات والالوان
ثانيا احترافة فى عمل الرتوش والكلام دة كله والقص وتظبيط الالوان
ثالثا دماغه العاليه فى التصميم وزوقة
رابعا السرعه اهم شىء مش اديلوا عروسه يعدلى فيها 4 سعات
دى اخرها ساعه ونص بالكتير اوى يعنى

دى المتطلبات الى اكيد هيختبرك فيها اى ستديو حابب تشتغل فيه


مش محتاجه اسف ولا وجعت دماغى ولا حاجة والله
دة مكانك وربنا يوفقك وانا تحت امرك فى اى استفسار او طلب